Njanurangan Pokum Munpayi

ഞാനുറങ്ങാൻ പോകും മുമ്പായ്

ഞാനുറങ്ങാൻ പോകും മുമ്പായ്
നിനക്കേകുന്നിതാ നന്ദി നന്നായ്
ഇന്നു നീ കാരുണ്യപൂർവ്വം തന്ന
നന്മകൾക്കൊക്കെയ്ക്കുമായി

നിന്നാഗ്രഹത്തിനെതിരായ് ചെയ്തൊ
രെൻ കൊച്ചു പാപങ്ങൾ പോലും
എൻ കണ്ണുനീരിൽ കഴുകി, മേലിൽ
പുണ്യപ്രവൃത്തികൾ ചെയ്യാം

ഞാനുറങ്ങീടുമ്പോഴെല്ലാം എനി-
ക്കാനന്ദ നിദ്ര നൽകേണം
സർവ്വഭയങ്ങളും നീക്കി നിത്യ
നിർവൃതി തന്നരുളേണം.

കന്യകാമാതാവുമൊപ്പം എന്റെ
കാവൽമാലാഖയും കൂടി
രാത്രി മുഴുവനുമെന്നെ നോക്കി
കാത്തരുളീടുകവേണം