Manushya Nee Mannakunnu

മനുഷ്യാ നീ മണ്ണാകുന്നു

മനുഷ്യാ നീ മണ്ണാകുന്നു
മണ്ണിലേയ്ക്കു മടങ്ങും നൂനം
അനുതാപ കണ്ണുനീർ വീഴ്ത്തി
പാപ പരിഹാരം ചെയ്തുകൊൾക നീ

ഫലം നൽകാതുയർന്നു നിൽക്കും
വൃക്ഷനിരയെല്ലാമരിഞ്ഞുവീഴ്ത്തും
എരിതീയിലെരിഞ്ഞുവീഴും
നീറി നിറം മാറി ചാമ്പലായ്തീരും

ദൈവപുത്രൻ വരുന്നൂഴിയിൽ
ധാന്യക്കളമെല്ലാം ശുചിയാക്കുവാൻ
നെന്മണികൾ സംഭരിക്കുന്നു, കെട്ട
പതിരെല്ലാം ചുട്ടെരിക്കുന്നു.

ആയിരങ്ങൾ വീണുതാഴുന്നു
മർത്ത്യമാനസ്സങ്ങൾ വെന്തുനീറുന്നു
നിത്യജീവൻ നൽകിടും നീർച്ചാൽ
വിട്ടു മരുഭൂവിൽ ജലം തേടുന്നു