Ninte Thakarchayil Aswasamekan

നിന്‍റെ തകർച്ചയിൽ ആശ്വാസമേകാൻ
നിന്‍റെ തളർച്ചയിൽ ഒന്നുചേരാൻ
നിന്നെ താരാട്ടുപാടി ഉറക്കാൻ
ഇതാ ഇതാ നിന്‍റെ അമ്മ

സ്നേഹത്തോടെന്നെ ഉദരത്തിൽ വഹിച്ചവളല്ലോ
ത്യാഗത്തോടെന്നെ കൈകളിൽ താങ്ങിയോളല്ലോ
നിൻ വേദനയിൽ നിൻ സഹനത്തീയിൽ
വിങ്ങി വിതുമ്പും നിന്‍റെ ഹൃദയകോണിൽ
നിർമ്മല സ്നേഹത്തെളിനീർ നൽകാൻ
ഇതാ ഇതാ നിന്‍റെ അമ്മ

തിരുക്കുടുംബത്തിൻ നാഥയാണമ്മ
തിരുസഭയുടെ നാഥയാണമ്മ
നിത്യം പരുശുദ്ധമറിയമാണമ്മ
ഇതാ ഇതാ നിന്‍റെ അമ്മ

പാപികൾക്കെന്നും ആശ്രയമായവളല്ലോ-
പാപികൾക്കായെന്നും പ്രാർത്ഥിക്കുന്നവളല്ലോ
പാപച്ചേറ്റിൽ നീ പിടയുമ്പോൾ
സാന്ത്വനമേകാൻ നിൻ കണ്ണീരൊപ്പാൻ
നിന്നെ എന്നും മാറോചേർക്കാൻ
ഇതാ ഇതാ നിന്‍റെ അമ്മ